LUNS 15 DE XUÑO

MOI BO DÍA!

Como foi a finde?
Celebrastes a Festa da Coca?

Misión? Cine? Fixestes algo extraordinario?

Onte, domingo 14 de xuño, foi o Día Nacional das Linguas de Signos. Un día no que se trata de difundir entre a sociedade a lingua das persoas xordas, a súa utilidade e o seu valor. Non foi ata outubro de 2007 que se considerou como lingua oficial do estado.

• Que sabedes vós da Lingua de Signos?
• Sabedes o que é unha deficiencia auditiva?
• Coñecedes a algunha persoa xorda?
• Sabedes como se comunican cos demais?
• Vistes algunha vez a algún ou algunha intérprete de lingua de signos?
• Comunicástesvos con algunha persoa xorda?

Por se queredes aprender un pouquiño, aquí vos deixamos:

• O alfabeto dactilolóxico

• O dicionario de Lingua de Signos española. Intentade aprender a saudar, os números, os días da semana, ... 

E para que practiquedes un pouquiño máis deixámosvos dous vídeos, un duns nenos coma vós e outro de Rozalén, da que xa sabemos que nos seus vídeos e actuacións sempre comparte escenario cunha intérprete de Lingua de Signos.

Seredes quen de aprender a dicir algo en Lingua de Signos?

Esperamos as vosas achegas...

Bo día!