LUNS 23 DE MARZO

Bo día!

Comezamos unha nova semana. 

Como estamos tod@s? 

Como vamos de ánimo? 

E de forzas? 

Estades seguindo as indicacións sobre unha organización axeitada do día? Traballo escolar, exercicio físico, tempo de xogo, tempo actividades en familia, tarefas da casa, ... 

Como vos organizades vós?

E por que vos digo todo esto? Non sei se o sabedes, a Organización Mundial da Saúde (OMS), aconsella, no caso dos nenos e nenas, 1 hora diaria de actividade física vigorosa (20´adultos - moderada). Ademais das consabidas virtudes que ten o exercicio físico no noso organismo, ocupa tempo, evita que nos aburramos, levanta o ánimo, axuda a reducir síntomas de estrés e ansiedade, ... Total, un pack completo. 

Facedes vós algún tipo de traballo, actividade, exercicio físico nestos días??? 
Cal???

Vou tentar deixarvos aquí tamén algunha idea de pequenas cousiñas que podedes facer:

• Cosmic Kids Yoga: Hai moitos vídeos. Podemos facer unha sesión cada día.
• Coreografías de baile: Bailar sempre é unha boa idea, e vaia se sube o ánimo.
• DragonBall super fitness: Coidado co número de repeticións, pouco a pouco, que todavía non somos "Super Saiyans".
• Footloose-GoNoodle: Seguimos bailando. Preparádevos que logo pasamos proba.
• Elaborar un xogo de bolos: Para logo poñer en práctica.
• Circuitos pola casa: Buscando realizar distintos movementos, que impliquen distintas partes do corpo, distintas habilidades (carreira, saltos, arrastres, velocidade, xiros, ... ), ... . Seguro que sodes capaces de improvisar, xunto con papi e mami, un recorrido super orixinal. 

Ocórresevos algunha outra idea?? Compartide con nós.

Despois de tanta actividade física, ... Respiramos ... e un pouco de relax.

Entregastes xa o vídeo do experimento sobre as plantas?? Pois espabilando. Hoxe era o último día. 

Se tedes calquera dúbida ou pregunta, non vos reservedes, preguntade. 

Moitos Bicos!

Moita Saúde!

Coidádevos e coidade dos demais!

"EU QUEDO NA CASA"